CONCORDIA: Libri symbolici Ecclesiae Lutheranae

Latin 拉丁文|Deutsch/Germany 德文
简体中文/Simplified Chinese|繁体中文/Traditional Chinese

《协同书》（拉丁文）目录
1.《信经》 Tria Symbola Catholica seu Oecumenica
2.《奥斯堡信条》 CONFESSIO FIDEI
3.《奥斯堡信条》的辩护论 APOLOGIA Confessionis Augustanae
4.1《施马加登信条》ARTICULI SMALCALDICI
4.2《论教皇权和首位》DE POTESTATE ET PRIMATU PAPAE
5.《小问答》Catechismus Minor
6.《大问答》CATECHISMUS MAIOR
7.《协同式》FORMULA CONCORDIAE

《信经》Tria Symbola Catholica seu Oecumenica

协同书第一部分 信经Symbolum Apostolicum.
Credo in Deum, Patrem omnipotentem, Creatorem coeli et terrae.
Et in Filium Christum, Filium eius unicum, Dominum nostrum, qui conceptu est de Spiritu Sancto, natus ex Maria virgine, passus sub Pontio Pilato, crueifixus, mortuus et sepultus, descendit ad inferna, tertia die resurrexit a mortuis, ascendit ad coelos, sedet ad dexteram Dei, Patris omnipotentis, inde venturus est iudicare vivos et mortuos.
Credo in Spiritum Sanctum, sanctam ecclesiam catholicam, sanctorum communionem, remissionem peccatorum, carnis resurrectionem et vitam aeternam. Amen.

Symbolum Nicaenum.
Credo in unum Deum, Patrem omnipotentem, Factorem coeli et terrae, visibilium omnium et invisibilium.
Et in unum Dominum lesum Christum,
Filium Dei unigenitum et ex Patre natum
ante omnia saecula, Deum de Deo, lumen
de lumine, Deum verum de Deo vero, genitum, non factum, consubstantialem Patri, per quem omnia facta sunt; qui propter nos homines et propter nostram salutem descendit de coelis, et incarnatus est de Spiritu Sancto ex Maria virgine et homo factus est ; crucifixus etiam pro nobis sub Pontio Pilato, passus et sepultus est; et resurrexit tertia die secundum Scripturas et ascendit ad coelos; sedet ad dexteram Patris et iterum venturus est in gloria iudicare vivos et mortuos, cuius regni non erit finis.
Et in Spiritum Sanctum, Dominum et vivificantem, qui ex Patre Filioque procedit,
qui cum Patre et Filio simul adoratur et glorificatur, qui locutus est per prophetas.
Et unam, sanctam, catholicam et apostolicam ecclesiam.
Confiteor unum Baptisma in remissionem peccatorum et exspecto resurrectionem mortuorum et vitam venturi saeeuli.
Amen.

Symbolum Athanasii
contra Arianos scriptum.
1] Quicunque vult salvus esse, ante omnia opus est, ut teneat catholicam fidem.
2] Quam nisi quisque integram inviolatamque servaverit, absque dubio in aeternum peribit.
3] Fides autem catholica haec est, ut unum Deum in Trinitate et Trinitatem in unitate veneremur,
4] Neque confundentes personas, neque substantiam separantes.
5] Alia est enim persona Patris, alia Filii, alia Spiritus Sancti.
6] Sed Patris et Filii et Spiritus Sancti una est divinitas, aequalis gloria, coaeterna maiestas.
7] Qualis Pater, talis Filius, talis Spiritus Sanctus.
8] Increatus Pater, increatus Filius, increatus Spiritus Sanctus.
9] Immensus Pater, immensus Filius, immensus Spiritus Sanctus.
10] Aeternus Pater, aeternus Filius, aeternus Spiritus Sanctus;
11] Et tamen non tres aeterni, sed unus aeternus,
12] Sicut non tres increati, nec tres immensi, sed unus increatus et unus immensus.
13] Similiter omnipotens Pater, omnipotens Filius, omnipotens Spiritus Sanctus;
14] Et tamen non tres omnipotentes, sed unus omnipotens.
15] Ita Deus Pater, Deus Filius, Deus Spiritus Sanctus;
16] Et tamen non tres Dii sunt, sed unus est Deus.
17] Ita Dominus Pater, Dominus Filius, Dominus Spiritus Sanctus;
18] Et tamen non tres Domini, sed unus est Dominus.
19] Quia sicut singulatim unamquamque personam Deum ac Dominum confiteri christiana veritate compellimur,
Ita tres Deos, aut tres Dominos dicere catholica religione prohibemur.
20] Pater a nullo est factus, nec creatus, nec genitus.
21] Filius a Patre solo est, non factus, nec creatus, sed genitus.
22] Spiritus Sanctus a Patre et Filio, non factus, nec creatus, nec genitus, sed procedens.
23] Unus ergo Pater, non tres Patres; unus Filius, non tres Filii; unus Spiritus Sanctus, non tres Spiritus Sancti.
24] Et in hac Trinitate nihil prius aut posterius, nihil maius aut minus;
25] Sed totae tres personae coaeternae sibi sunt et coaequales,
Ita ut per omnia, sicut iam supra dictum est, et Trinitas in unitate et unitas in Trinitate veneranda sit.
26] Qui vult ergo salvus esse, ita de Trinitate sentiat.
27] Sed necessarium est ad aeternam salutum, ut incarnationem quoque Domini nostri Iesu Christi fideliter credat.
28] Est ergo fides recta, ut credamus et confiteamur, quod Dominus noster Iesus Christus, Dei Filius, Deus et homo est:
29] Deus ex substantia Patris ante saecula genitus, et homo ex substantia matris in saeculo natus:
30] Perfectus Deus, perfectus homo, ex anima rationali et humana carne subsistens;
31] Aequalis Patri secundum divinitatem, minor Patre secundum humanitatem,
32] Qui, licet Deus sit et homo, non duo tamen, sed unus est Christus.
33] Unus autem non conversione, divinitatis in carnem, sed assumptione humanitatis in Deum.
34] Unus omnino, non confusione substantiae, sed unitate personae.
35] Nam sicut anima rationalis et caro unus est homo, ita Deus et homo unus est Christus,
36] Qui passus est pro nostra salute, descendit ad inferos, tertia die resurrexit a mortuis,
37] Ascendit ad coelos, sedet ad dexteram Dei Patris omnipotentis,
Inde venturus est iudicare vivos et mortuos.
38] Ad cuius adventum omnes homines resurgere habent cum corporibus suis Et reddituri sunt de factis propriis rationem,
39] Et qui bona egerunt, ibunt in vitam aeternam; qui vero mala, in ignem aeternum.
40] Haec est fides catholica; quam nisi quisque fideliter firmiterque crediderit, salvus esse non poterit.